係有啲灰嘅。
因為風雪，本身早我哋一日由Chicago 返香港嘅crew走唔到（佢哋原本要用嘅飛機降落唔到去咗Toronto），結果佢哋嘅客塞晒落我哋班機，全機由頭full到落尾。我做business class本身得20個人，最後變咗50幾全，滿，而前一日走唔到嗰set crew就遲我哋半日，全，機，零，客，坐返香港唔使做⋯⋯嗚哇。這些機會⋯⋯
大家都呆咗。幾日都jet lag 瞓得唔好，本身諗住回程light load 好輕鬆⋯⋯唉唯有安慰自己算啦其實你都有過好多爽歪歪嘅機會（嗚）重點係一定要當晚準時返到香港第二朝先可以順利出發去旅行呀呀呀。
跨過心理障礙之後on ground 機械式整呢整路時，菲律賓阿姐見大家目無表情，笑問：「why you guys look so serious? 」galley 阿哥同我異口同聲：「冇，呀，我哋好開心呀，哈，哈，哈⋯⋯」然後就一貫full load長途機routine，日用品、水、cocktail、前菜、主菜、芝士、水果、蛋糕、咖啡係咁去，係咁清。又派又收又派又收冇停過。一開頭我仲為自己能融化鑽石會員冰冷嘅面孔而感到滿足，後來爭啲連笑嘅力都冇。忙足三個鐘，每次一返入galley 就粗口或者靜默，有啲位各自忙到成個galley靜晒。打完仗，等第二餐來臨嘅時間完全行屍走肉，時晨一到又出征。不斷倒數就完喇就有得瞓⋯⋯（途中仲要call medlink同搵醫生，好在最後冇事唔使divert）
雖然有啲唔好彩，但多得有好伴令件事冇咁worst。又勤力又互相幫忙又gag底，辛苦完起碼有得大笑下。雖然飛完覺得真係命都短幾年但總算係happy flight。呼。
飛完十幾個鐘返屋企，執完嘢瞓一覺又再飛十幾個鐘返去，玩命一般。下次唔敢喇。有一刻覺得個人就快散，連大叫放假喇嘅mood都冇。
附上inflight 眼瞓到就暈低期間望出去嘅一片雪白。（呻完～）
Search